Milli Olimpiya Komitəsi

Minsk şəhərində II Avropa Oyunlarının iclası keçirilir

II Avropa Oyunları Minsk 2019-un nümayəndə heyətlərinin rəhbərlərinin iclası  işinə başlayıb.

Tədbirdə Milli Olimpiya Komitəsinin idman şöbəsinin rəisi Həsənağa Rzayev Azərbaycanı təmsil edir.

10-12 iyul tarixlərini əhatə edən iclasda iştirakçı ölkələrin nümayəndə heyətlərinin rəhbərləri, rəsmilər, II Avropa Oyunlarının və Avropa Olimpiya Komitəsinin rəhbərliyi iştirak edir.

Tədbir çərçivəsində yarış obyektlərinin, iştirakçı ölkələr və təşkilatçlar tərəfindən təqdimatların keçirilməsi nəzərdə tutulur. Həmçinin, tədbir iştirakçıları Atletlər Kəndi və müxtəlif yarış obyetləri ilə tanış olacaqdır. Tədbir 12 iyul mətbuat konfransı ilə sonlanacaqdır.

Xatırladaq ki, Minsk 2019 Avropa Oyunları 21-30 iyun 2019-cu ildə Belarus Respublikasında keçiriləcək.